إنتبه لنفسك قبل لا تطلع من البيت

السلام عليكم
إخوتي مثل ما تعرفون إن المظهر مو أهم شي بالحياة والأهم هو المضمون والجمال الداخلي للإنسان
ولكن المظهر الخارجي للإنسان شي مهم أيضاً يعني ما يصير نهمله وأنا راح احجي عن الرجال بصورة خاصة
طبعاً بحكم طبيعة عملي إختبرت 3 أماكن هامة ومختلفة جداً يتواجد فيها الشباب دائماً ولاحظت إن الشباب أنواع (طبعاً حسب المظهر):
1- نوع بس مظهر يعني حشاكم خلقة بدون أخلاق
2- نوع خلوق بدون عناية بالمظهر
3- نوع معتني بنفسه ظاهرا وباطنا ومرتب روحه
4- نوع مرتب روحه بس رايح هواي زايد
وأكو بعد انواع غيرهن
المهم اللي اريد اوصله شنو؟؟
راح اقدم نصائح وأشوفها جداً منطقية وهي ان الواحد من عدنه لازم يعتني بمظهره ولازم يعرف ينسق ملابسه زين ويلبس حسب المكان اللي رايحله واذا يريد يواكب الموضة خلي يواكبها بس مو يروح زايد ويطلع عن طوره
يعني خلي كل واحد يفكر بعقلانية هو وين رايح وشراح يلبس وخلي ينسق بين الألوان وخل ينتبه لطول شعره يعني يا أخي طول شعرك بس اتعب عليه ورتبه وخلي مظهره حلو وإختار لحزامك وحذائك نفس اللون وغيرها من الأشياء الي لازم تنتبه الها
والأهم من ذلك لا تنسى ترتيب نفسك وتطهيرها داخلياً
وشكراً

» كيف يتعلم طفلك كتم أسرار البيت؟